Putih Kuning

Om Swastyastu
Merdah: “Nang..dadi icang metakon ken nanang…?”
Tualen: “Dadi, men apa kar takonang cai?”

Merdah: “Adi yen umat Hindune Ke pura nganggon putih kuning, apa artine nang…?”
Tualen: “Putih tongosne…..?”
Merdah: “Kangin….”
Tualen: ” Kuning tongosne….?”
Merdah: “Kauh…..”
Tualen: “Yen sing nganggon putih kuning, artine…?”
Merdah: “Sing nawang kangin kauh”
Tualen: “Ohhh….ento cai suba je dueg…..
Merdah: “Ohhh….keto nang….?”
Tualen: “Aae….., putih simbol Bhatara. Iswara simbol kasucian, kuning simbol Bhatara  Mahadewa simbol Kewibawaan, Kebijaksanaan. Yan suba kadasarin antuk kasucian ditu….i raga lakar mawibawa….ditu lakar pesu kewicaksanane…..ento mawinan warna putih kuninge dadiange uger ring agama Hindune……”

Merdah: “Makacie….Nang……”
Tualen: ” Men Cai kar kija ne…?”
Merdah: “Cang….kar ke pura….Kuningan jani nang…..”
Tualen: “Ohhh saja…..lan ke pura mebakti…..!”

Rahajeng Rahinan Suci Kuningan dumogi sareng sami mangguh Santih tur Rahayu wit sangkaning paswecan Hyang Parama Kawi

Om Santih Santih Santih Om
♡ Jro Mangku Danu (I W Sudarma)

Write & Posted by: IW. Sudarma